Gazetarja tregon vrasjet makabër në Lushnje: Familjarët e të vrarëve kanë frikë të vijnë në gjykatë të dëshmojnë

 

Gazetarja Keti Banushi sqaroi në 'Studio Live' si lindi konflikti në Lushnje mes bandës së Aldo Bares dhe të Artur Dajës, që kulmoi me vrasjen e këtij të fundit, duke iu prerë dhe koka.

'Ishte fatkeqësi për djemtë lushnjarë ajo që ndodhi në ’97. Konfliktet që kanë patur erdhën edhe brenda Lushnjes. Saga ka nisur për konflikte jashtë vendit. Kanë qenë shok me njëri-tjetrin. Ka qenë konflikti mes Aldo Bares dhe Artur Dajën. Vrasja e vëllait të Bares nga Artur Daja. Mbaj mend  se ajo që nxehu gjakrat ishte megjithë vrasjen,  sërish nuk pranonte Daja të jepte trupin. Ka dashur disa orë të merrej trupi i tij. Kjo krijoi ndarjen. Më pas u ekzekutua Daja. Ka qenë ngjarje e egër', thotë gazetarja. 

LEXO EDHE:
Gazetari Dema: Qytetet ku kryeson shpërndarja e drogës, risi ajo me postë nga SHBA! Softa: Lëndët narkotike vijnë përmes linjave të transportit nga Kosova

Banushi shton se hakmarrjet vijiojnë ende, perderisa dhe familjarët e të vrarëve nuk vijnë të dëshmojnë në gjykatë nga frika.

'Nuk kemi parë që të vritet personi, të merret koka dhe të luhet futboll. Me kokën e tij është shëtitur në gjithë qytetin. Lushnjarët e kanë të skalitur në memorie. Një hakmarrje e egër. Edhe në rastin konkret, Laert Haxhiu që tentoi të vrasë nipin e Aldo Bares. Ka patur një egërsi dhe vazhdon. Saga nuk ka përfunduar ende.

Përderisa kemi persona që ruhen. Familjarët e të vrarëve nuk vijnë në gjykatë të dëshmojnë nga frika. Shumica e atyre që kanë dalë nga burgu janë ekzekutuar', shprehet Keti Banushi.

Lajmi kryesor:

Bandat e Lushnjes/ GJKKO dënoi me burg përjetë Laert Haxhiun, Softa në 'Studio Live': Grupet kriminale shpesh kanë përfituar edhe tendera

G.K/E.B/Shqiptarja.com

TAG:
• Aldo Bare